由2號變身為4號仔的情感問題 (下)

2號仔一般都好感性，好易受人影響。因為太易受人影響，好容易失去了自我，又或者為了其他人既感受而委屈自己。故此，係需要學習4號仔忠於自己既態度，先可以避免受到傷害。

因為要同3號仔抗衡，不知不覺，自己過左火都唔知，由原本為事情而反，到後來，幾乎係為反而反。幸好被8號仔train up過既理智尚未蒙蔽，還懂得分析與反省。起想挽救3號仔既感性層面 VS 3號仔已經走不了回頭既理性層面，我實在好迷茫，心好唔想放棄，但事實要我去放棄。起一個極度心理唔平衡既狀態下，1 號仔意識到我總是要唱反調既問題，想話我知什麼係「事實」，什麼是「正確」，想我知道跟世界抗衡既結果註定是失敗。好讓我由「反世界」返回地球。

畢竟係2號仔出身，對方既動機同心意，我是感受到的。3號仔唔想我將來要面對徬徨，1號仔唔想我繼續摧毀自己，其實佢地兩個都係善良的。我唔想講任何會令佢地覺得我係要揀條歪路黎行，亦都唔想辜負佢地一番好意。起盛意難卻既情況底下，跟9號仔講下，才發現，佢既意見令我有種找回平靜，被釋放既感覺。

起一件由無感覺到要搵感覺既事情上，9號仔完全滿足唔到你既需要。因為佢地會話：都唔知你想點。反而，當面對一件事情感爆澎，需要旁觀者清，客觀數據分析既data之時，佢地真係可以做得好稱職。

而家呢一刻，我需要9號仔。