九型變格

我鑽研九型人格並唔係要將人格定形，而係我唔明白點解人要做D起我眼中既無謂野，又或者我呢個咁唔願意改變既人都變左，改變可以係令自己更舒服既事，咁點解要繼續去做D令自己咁辛苦既事？
我既鑽研方法唔係將人去歸類，而係佢形成既原因，九型人格只不過係將特質歸類既一套定義，即係好似我地將蘋果歸類為生果，係因為蘋果有生果既特質，所以被列入生果類，卻並唔係因為佢係生果先有該類既特質。

九型人格既理論其實係說每個人都可以有晒九種特質，只係因為能力加對際遇既感受，令某幾類既特質dominant左。第二個九型人格既重點係性格係可以改變既理論，佢係可以有一套改變既途徑，但當你可以細心去思考佢地要變既原因與動機，成套九型變格就會出左黎。

萬物其實都係要歸向equilibrium, 趨向喜悅既軌跡。要令一個人改變，必需有兩個先決條件，一是現存既生活令佢好痛苦，二是佢想脫離痛苦。這個是脫離痛苦論，另一套則是追求論：現存既生活是有所缺失，而需要去尋求。生命中遇過因為痛苦而完全改變為第二種性格既人其實只係得兩個。計埋自己都可以叫有三個。一個係自己去變，另一個可以話從我身上而學識改變，事實上我花了不少時間去解釋佢既痛苦來源，最重要還是佢有另一半既支持，當然佢本身唔努力有想脫離痛苦既心，我同佢另一半做乜都係多餘。




大部份人總係會怨自己未能得到什麼，呢個時候，我就會話想要咪去爭取。再細心同佢分析，佢之所以沒有，外在並唔係主因，而只係內心自己已經有所選擇。選擇左懶，又或者選擇逃避。

我既concept係要去爭取，但別強求，始終能力又或者人事關係，唔多唔少都會有影響。未擁有，不用怨，因為這是你的個人選擇，你的命運。正如有人含著金鑰匙出世，有人一出世就智商140，你去恨，只會令你失去更多。