分道揚鑣

故事發展到呢個地步，係時候來一個了斷。當我識得抽身企起佢立場睇件事去比較返自己所做既事情果刻，我已經知道我要放手。而今日，係佢都明白左要接受一個咁樣既結局。講真，心情係不好受，但呢個係事實，無論如何，都要去接受。

我知道，佢既道理，一直都會起心裏，接受現實的確係需要時間，到適當既時機， 我相信我會behaved as what he said。因為我就係佢既影子。佢…係咪都有為我所講既野而改變呢？又或者係能夠講服自己既，唔係其他人張咀，其他人既道理，只係自己所感受到既經歷。我地大家都一樣，會因為際遇環境所需努力尋求辦法既人。分別是佢既能力更高，佢體會唔到成日扮叻既我要跟上佢既步伐係幾攰。佢體會唔到一個唔鍾意social既人要去做一份social既工作絕對唔係一件執起一張紙咁易既事。「一百個人可以各自擁有一百種不同的聲音，而大家又同時可以互相尊重。」我開始明白呢句說話，我地之所以唔和諧，因為我地大家都要為大家處於不同既立場而作出無謂既爭拗……

其實很喜歡跟叻人相處，叻人的思維總是勝人一籌，想到你所想不到。然而跟叻人相處又會有一種壓力加自卑感，所以留之，卻不可近之。我錯的是被你的熱情溶化，我錯的是讓你走得太近。

今日，再接觸呢個人，成個感覺唔同晒。今日既佢變得好有殺傷力。就像想否定我的邏輯思維，否定了我的經歷，否定了我的人生。今日既佢，就像當日的我，我地大家所持既原因都係一樣：我只不過在幫人，我既出發點只係為佢好。但我地兩個背後既原因係，佢要我achieve到係佢既goal，我要佢achieve到係我既goal。我地都想將那半個不同的對方變成自己。呢一場係無謂既爭拗，我相信由一個旁人既角度去睇，我地起某個角度係好似。但我倆還是不同的，奈何我想教佢既同時，佢都想教我。我倆皆一樣，只能明白跟對方相同的自己，而否定跟自己不同的對方。


很無奈，因為我清楚我是誰，亦明白他是誰。